बिहीबार, मंसिर ११ २०७७
काठमाडौं २१:४१
वासिङटन डिसी 10:56

सत्–मार्ग विचार गोष्ठी हुने

इनेप्लिज २०७१ चैत १३ गते २२:३२ मा प्रकाशित

नवलपरासी । सत्–मार्ग अभियान नेपालले नवलपरासीको गैंडाकोट नगरपालीका १३ वेल्डिहा सिख्रौली कैलास सन्यास आश्रममा एक दिने सत्मार्ग विचार गोष्ठीको आयोजना गरेको छ ।

सो विचार गोष्ठीमा विभिन्नक्षेत्रमा ख्यातिप्राप्त गरेका व्यक्तित्त्वहरुबाट विभिन्न शीर्षकमा आफ्नो धारणा राख्नु हुने बताइएको छ । प्राध्यापकहरुको तर्फबाट प्राध्यापक श्री ध्रुव अर्यालय, मातृशक्तिबाट देवी घिमिरे, राजनीतिक क्षेत्रबाट शंकर पाण्डेले आफ्नो वक्तव्य दिनुहुने बताइएको छ । यसै गरी “सतमार्ग अभियान नेपाल र अन्य सामाजिक संगठनहरुसंग सम्बन्ध” विषयमा अभियानका प्रवक्ता

दीपक सुवेदी, राजनीति र नेपालको जलश्रोतको विषयमा अरुण सुवेदीले आफ्नोप्रस्तुति दिनु हुनेछ ।

“नेपालको गौरवशाली इतिहाँस र पश्चिमाहरुले हाम्रो इतिहासमाथि गरेको सुक्ष्म विश्लेषण” को विषयमा चैतन्य कृष्ण महाराजले प्रकाश पार्नुहुने बताइएको छ ।“हाम्रो वैदिक विज्ञान र वर्तमान नेपालको अवस्था तथा सत्मार्ग अभियान नेपालले लिएको बाटो” को बारेमा जनार्दन घिमिरेले विषय प्रस्तुत गर्नु हुनेछ । यसै गरी सत्मागै अभियान नेपालको सांगठानिक प्रस्तुुति अभियानका संगठन महामन्त्री खेमनाथ आचार्यले गर्ने अभियानका नवलपरासी–चितवन संयोजक प्रेम क“डेलले न्यूज टिमलाई जानकारी गराएका छन् ।

गोष्ठी कैलाश सन्यास आश्रमका मठाशिस सोमानन्दजी महाराजको संरक्षकत्वमा हुने बताइएको छ ।

प्रतिक्रिया