बिहीबार, मंसिर १८ २०७७
काठमाडौं १३:५२
वासिङटन डिसी 03:07

बेपत्ता बालक भारतमा

इनेप्लिज २०७१ चैत ४ गते १४:५० मा प्रकाशित

सुरुङ्गा (झापा), ४ चैत । दक्षिणी झापाको चकचकीबाट सोमबारदेखि बेपत्ता भएका छ बालक भारतमा भेटिएका छन् ।

हराएकामध्ये तीन बालक झापाको पुरानो सदरमुकाम झापा बजारबाट झन्डै ५० किमि दक्षिणमा पर्ने भारतको बहादुरगन्ज बजारमा आज भेटिएको इलाका प्रहरी कार्यालय कुमरखोदका प्रमुख हर्क लुवागुनले जानकारी दिनुभयो ।

भेटिनेका चकचकी–४ का १६ वर्षीय सुरज हस्दा, १३ वर्षीय भोला शर्मा र १४ वर्षीय नवीन पाठक छन् । बालक एकाएक बेपत्ता भएपछि उनीहरुका अभिभावकले खोजीका लागि मङ्गलबार बिहानै प्रहरीलाई खबर गरेका थिए ।

उनीहरुसँगै हराइरहेका अन्य तीन बालकलाई भने मङ्गलबार साँझ नै प्रहरीले भारतको दीघल बैंकमा फेला पारेर अभिभावकको जिम्मा लगाएको प्रहरी चौकी चकचकीका प्रमुख जगदीशप्रसाद महेताले जानकारी दिनुभयो ।

उनीहरु चकचकी–२ मा रहेको शिवालय मन्दिरमा सोमबारदेखि सुरु भएको साताव्यापी पुराणको कलशयात्राबाटै हराएका थिए

प्रतिक्रिया