मंगलबार, मंसिर १६ २०७७
काठमाडौं १८:०१
वासिङटन डिसी 07:16

संवैधानिक निकायका पदाधिकारीको सुनुवाई चैत ४ गतेदेखि

इनेप्लिज २०७१ चैत २ गते १२:१३ मा प्रकाशित

CA-Office-300x200काठमाडौँ, २ चैत । सरकारले हालै दुई संवैधानिक निकायमा नियुक्तिका लागि सिफारिस गरेका पदाधिकारीको सुनुवाई चैत ४ गतेदेखि हुने भएको छ ।

व्यवस्थापिका–संसदअन्तर्गतको संसदीय सुनवाई विशेष समितिको आज बसेको बैठकले लोकसेवा आयोगमा सिफारिस गरिएका अध्यक्ष र सदस्यविरुद्ध उजुरीको सुनवाई यही चैत ४ गते गर्ने निर्णय गरेको छ ।

त्यस्तै अख्तियार दुरुपयोग अनुसन्धान आयोगका आयुक्तहरुविरुद्ध परेका उजुरीको सुनवाई चैत ८ गते गर्ने निर्णय भएको समितिका सभापति कुलबहादुर गुरुङले बताउनुभयो ।

सरकारले केही दिनअघि लोकसेवा आयोगको अध्यक्षमा उमेशप्रसाद मैनाली र सदस्यमा बिन्दा हाडा, गोविन्दप्रसाद कुसुम, श्रीपुरुष ढकाल, अशोककुमार झा, ब्रम्हदेव राय, कृष्णचन्द्र झालाई नियुक्तिका लागि सिफारिस गरेको थियो भने आयोगका आयुक्तमा दीप बस्न्यात, नवीनकुमार घिमिरे, गणेशराज जोशी, राजनारायण पाठक र डा सावित्री गुरुङलाई नियुक्तिका लागि सिफारिस गरेको थियो ।

प्रतिक्रिया