मंगलबार, कार्तिक ११ २०७७
काठमाडौं १२:४३
वासिङटन डिसी 02:58

चार हजार नयाँ मतदाता थपिए

इनेप्लिज २०७१ फागुन ३० गते २:४१ मा प्रकाशित

Chitwan_district_locationरत्ननगर (चितवन), ३० फागुन । चितवनमा चार हजार नयाँ मतदाता थपिएका छन् ।

फोटोसहितको मतदाता नामावली सङ्कलन अभियानअन्तर्गत जिल्ला निर्वाचन कार्यालय चितवनको टोलीले गाउँगाउँमा गएर मतदाता नामावली सङ्कलन गरेका हुन् ।

चितवनका नगरपालिका र विभिन्न गाविसमा गरी कुल ४५ स्थानमा पुगेर मतदाता नामावली सङ्कलन गरिएको र अहिलेसम्म चार हजार २६ जना नयाँ मतदाता थपिएका जिल्ला निर्वाचन अधिकारी हरिप्रसाद ढकालले जानकारी दिनुभयो ।

यसअघि चितवनमा कुल जिल्लामा अहिले कुल दुई लाख ८१ हजार मतदाता रहेका थिए । जिल्लामा करिब छ लाख जनसङ्ख्या रहेको छ ।

गएको माघ २५ गतेबाट नामावली सङ्कलन सुरु गरिएको र आगामी चैत ९ गतेसम्म सङ्कलन काम हुने भएकाले टोली आएको स्थानमा गई नामावली दर्ता गर्न ढकालले स्थानीयलाई आग्रह गर्नुभएको छ ।

मतदाता नामावली सङ्कलनका लागि कार्यालयले रु १८ लाख बजेट छुट्याएको छ । जिल्लाका हजारौँ युवा विदेशमा भएकाले कतिपयको नामावली सङ्कलन हुन सकेको छैन । छुटेकालाई भने कार्यालयमै नामावली सङ्कलन गरिने कार्यालयले जनाएको छ ।

प्रतिक्रिया