प्राधिकरण भारसम्प्रेषण केन्द्रले सूचना प्रकाशन गरी विद्युत् भार कटौतीको समय अवधि दैनिक नौ घन्टा बढाएपछि उद्योग थप धरासायी बन्दै गएको मोरङ व्यापार सङ्घका अध्यक्ष तथा सभासद् पवनकुमार शारडाले बताउनुभयो ।

अहिलेसम्म करिडोर क्षेत्रमा सञ्चालित उद्योगले विद्युत् भार कटौतीको कारणले २० प्रतिशत उत्पादनमा कटौती हुँदै आएको थियो । उद्योगीसमेत रहनुभएका शारडाले कोसीपूर्वमा विद्युत् भार कटौती बढाएर आद्योगिक क्षेत्रलाई अन्याय गरेको आरोप लगाउनुभयो ।

करिडोर क्षेत्रका उद्योगी विद्युत् भार कटौतीमात्र नभई कम भोल्टेजका कारणले पनि उत्पादन कटौती गर्न बाध्य हुनुपरेको भन्दै उहाँले सरकारसँग विद्युत् भार कटौतीको निर्णय सच्याउन आग्रह गर्नुभयो ।