अनेरास्ववियु म्याग्दी बहुमुखी मूल एकाइ कमिटीको आयोजनामा भएको नृत्य तथा एकल गायन प्रतियोगिताको अवसरमा अनेरास्ववियुका जिल्ला अध्यक्ष प्रकाश पौडेलले उक्त अभियानको फूल रोपण गरी उद्घाटन गर्नुभयो ।

“हाल क्याम्पस रहेको स्थानलाई फूलबारीको रुपमा चिनिँदै आएको छ, यहाँको वातावरणलाई स्वच्छ र सुन्दर बनाउँदै वास्तविक फूलबारी बनाउन अभियान सुरु गरेका हौँ” अध्यक्ष पौडेलले भन्नुभयो ।

अभियानअन्तर्गत आगामी जेठ महिनाभित्रै विभिन्न प्रजातिका एक हजार १०० भन्दा बढी फूल क्याम्पस परिसरमा रोपण गर्ने योजना छ ।