आन्दोलन परिचालन समितिका प्रवक्ता डाक्टर ओम गुरुङले आगामी संविधानमा आदिवासीको पहिचान र अधिकार समेट्नका लागि पहिचान यात्रा सुरु गरिएको बताउनुभयो ।

पश्चिमी नाका गड्डाचौकीबाट सुरु भएको पहिचान यात्रामा सङ्घीय समाजवादीका अध्यक्ष अशोक राई, आङकाजी शेर्पा, माओवादी नेता सुरेश आलेमगरलगायतको सहभागिता रहेको छ ।

आन्दोलन परिचालन समितिले महाकालीको गड्डाचौकी र पूर्वको काँकडभित्ताबाट एकै साथ पहिचान यात्रा सुरु गरेको हो । पहिचान यात्राका क्रममा विभिन्न जिल्लामा सभा गर्दै चैत ७ गते काठमाडौँ पुगेर समापन गरिने समितिले जनाएको छ ।