बिहीबार, कार्तिक १३ २०७७
काठमाडौं १९:१८
वासिङटन डिसी 09:33

अनेरास्ववियुद्वारा पाँच उमाविमा स्वाइन फ्लु सचेतना

इनेप्लिज २०७१ फागुन २८ गते ४:३२ मा प्रकाशित

ghazipur-khabar-0इलाम, २८ फागुन । स्वाइन फ्लु भित्रन नदिन सीमा क्षेत्रअन्तर्गत पाँच वटा उच्च माविमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले सचेतना कक्षा सञ्चालन गरेको छ ।

खुल्ला सिमानाका कारण इलाम पनि जोखिमपूर्ण भएकाले सचेतना अपनाउन अनेरास्ववियुले सूर्याेदय नगरपालिकास्थित करफोक, फिक्कल, कृष्णाश्रम, कोल्बुङको शान्ति निकेतन र पशुपतिनगरको बौद्यधाम उमाविमा शिक्षक र विद्यार्थीलाई सचेतना कक्षा सञ्चालन गरेको हो ।

शिक्षक तथा विद्यार्थीलाई स्वाइन फ्लु के हो ?, यसका लक्षण, कसरी सर्ने तरिका, बच्ने उपाय, जोखिम, उपचार पद्धतिलगायतका विषयमा जानकारी गराइएको छ ।

विभिन्न विद्यालयका एक हजार ५०० भन्दा बढी विद्यार्थी, शिक्षकलाई सचेतना गरिएको अनेरास्ववियुका जिल्ला अध्यक्ष रवीन्द्र सुवेदीले जानकारी दिनुभयो ।

प्रतिक्रिया