हप्ताको प्रत्येक मङ्गलबार र बिहीबार पथरका बिरामीलाई लस्करै आँगनमा पूर्वपश्चिम फर्काएर सुताउनुहुन्छ र पालैपालो पेटभित्रको ढुङ्गा मुखले चुस्दै निकाल्ने गरेको ढुङ्गा निकालिएका विराटनगर–१३ तीनटोलीयका सञ्जय शर्माले बताउनुभयो । मङ्गलबारै चमत्कारिक शक्तिबाट पारोदेवीले आफ्नो पेटभित्र रहेको पाँच एमएमको ढुङ्गा निकालेको शर्माले जानकारी दिनुभयो ।

स्थानीय सञ्चारकर्मी दिलीप सिंहका अनुसार गत साउनदेखि अहिलेसम्म झन्डै १५ हजार सर्वसाधारणको पेटको ढुङ्गा निकालिएको पारोदेवीको दाबी छ ।

दैविक शक्तिको आर्शिवादका कारण आफूभित्र त्यस्तो चमत्कारिक शक्तिको विकास भएको पारोदेवीको भनाइ छ । बिरामीको पत्थर निकाल्नु पूर्व पारोदेवीले आफ्नो आँगनमा भगवान् शिवको भजनकीर्तन र पूजाआराधना गर्नुहुन्छ ।