विराटनगर, १५ फागुन । विराटनगरको त्रिमूर्तिचोकमा शुक्रबार साँझ उद्योगपतिमाथि गोली प्रहार भएको छ ।

भारतीय नम्बरको मोटरसाइकलमा आएका दुईजना नकावधारीले शुक्रबार साँझ सवा ६ बजे उद्योगपति गोविन्द खतिवडामाथि गोली प्रहार गरेको हो । उहाँमाथि दुई राउण्ड गोली प्रहार भएको थियो । ६० बर्षीय खतिवडाको देबे्र तिघ्रा र दाहिने हातमा गोली लागेको प्रहरी नायव उपरीक्षक प्रभुप्रसाद ढकालले जानकारी दिनुभयो ।

गम्भीर घाइते खतिवडालाई विराटनगर नर्सिङ होममा उपचारका लागि भर्ना गरिएको छ । उहाँ खतरामुक्त हुनुभएको बताइएको छ । विराटनगर बजारलगायतका क्षेत्रमा प्रहरीले गोली हान्ने अपराधीहरुको खोजी कार्य तीब्र पारेको छ ।