शनिबार, कार्तिक १५ २०७७
काठमाडौं १८:५६
वासिङटन डिसी 09:11

शिविरमा घरेलु रक्सी नष्ट

इनेप्लिज २०७१ फागुन १२ गते ४:३३ मा प्रकाशित

DSC04810दमक, १२ फागुन । झापाको दमकस्थित भुटानी शरणार्थी शिविर वेलडाँगीमा सशस्त्र प्रहरीले बरामद गरेको ठूलो परिणामको घरेलु रक्सी हिजो सार्वजनिक रुपमा नष्ट गरेको छ ।

शिविरभित्र अवैध रुपले लैजाँदा गरेको अवस्थामा बरामद गरिएका १२५ लिटर घरेलु रक्सी सामाजिक तथा सङ्घसंस्थाका प्रतिनिधिको रोहवरमा नष्ट गरिएको सशस्त्र प्रहरी निरीक्षक रमेश पाण्डेले जानकारी दिनुभयो ।

शिविरभित्र मदिराजन्य वस्तुको ओसारपसारमा प्रहरीले कडाइ गर्न थालेपछि यस्ता रक्सी बरामद गरिने क्रम बढेको उहाँले बताउनुभयो ।
यसैगरी नवनिर्वाचित शिविर व्यवस्थापन समितिले शिविर क्षेत्रभित्र सुरक्षा तथा सरसफाइमा विशेष ध्यान दिन सचेतना गोष्ठी सुरु गरेको छ । नयाँ कार्यसमिति नागरिकसँग परिचय गर्दै सुरक्षा, आगलागी र सरसफाइमा सबैले जोड दिनुपर्नेमा सचेत गराउँदै आएको शिविर सचिव सञ्चहाङ सुब्बाले बताउनुभयो ।

प्रतिक्रिया