सदरमुकामदेखि करिब आठ किलोमिटर दूरीमा रहेको प्रहरी चौकी हाकुले सदरमुकामबाट नाग्मातिर जाँदै गरेको बसमा हिजो जाँच गर्ने क्रममा मरेको रेडपान्डासहित दुईजनालाई पक्राउ गरिएको हो । पक्राउ हुनेमा मालिकाठाटा गाविस–४ का ४० वर्षीय सार्की बोहोरा र दैलेख घर भई हाल जुम्ला चन्दननाथ नगरपालिका–७ मा कवाडी पसल गर्दै आएका ४६ वर्षीय भरतबहादुर शाही रहेको प्रहरीले जनाएको छ । उनीहरुमाथि शङ्का लागेर झोला खानतलासी गर्दा मरेको रेडपान्डा भेटिएको प्रहरीले जनाएको छ । पक्राउ परेका दुवै जनालाई जिल्ला वन कार्यालय जुम्लामा बुझाइएको छ ।