गोरखाका पाँच विद्यालयलाई कम्प्युटर वितरण

इनेप्लिज २०७१ फागुन ९ गते १:२९ मा प्रकाशित

Gorkha_district_locationगोरखा, ९ फागुन । । गोरखाको विभिन्न पाँच विद्यालयलाई ट्रन स्ट्रोन फाउन्डेसन युएसएले कम्प्युटर वितरण गरेको छ ।

हेल्पिङ ह्यान्ड फर हिमालयन पिपुल अभियानअन्तर्गत जिल्लाको क्षेत्र नं ३ को मसेल क्षेत्रका विद्यालयलाई कम्प्युटर वितरण गरिएको हो ।

‘एक विद्यालय एक कम्प्युटर’ नाराका साथ उक्त संस्थाले बगुवा गाविसको दुधकन्या प्रावि, मसेलको दुल्लभ उमावि र दुल्लभ क्याम्पस, तान्द्राङको सरस्वति प्रावि, मसेलको विन्द्रावती उमाविलाई एक÷एक थान कम्प्युटर हस्तान्तरण गरेको कार्यक्रम संयोजक मसेल–७ का निमप्रसाद भट्टले जानकारी दिनुभयो ।

सामुदायिक विद्यालयमा अध्ययनरत विद्यार्थीलाई कम्प्युटरसम्बन्धी ज्ञान दिने उद्देश्यले कम्प्युटर हस्तान्तरण गरिएको संस्थाले जनाएको छ ।

प्रतिक्रिया