स्थानीय शम्भु बराई र उनकी श्रीमती सङ्गीताले कलवारलाई सोमबार साँझ कुटपिट गरेका थिए । कुटपिटबाट घाइते कलवारको अस्पताल लैजादालैजाँदै मृत्यु भएको प्रहरीले जनाएको छ । घटनापछि शम्भु फरार छन् ।

उनकी श्रीमती सङ्गीतालाई भने नियन्त्रणमा लिएको इलाका प्रहरी कार्यालय सूर्यपुराका प्रहरी प्रमुख नरेश्वर अर्यालले जानकारी दिनुभयो ।

शम्भु र सङ्गीताका १० वर्षीय छोरा विशाल र कलवारबीच सोमबार दिउँसो घास काट्ने क्रममा खेतमा झगडा भएको थियो ।

आफ्नो छोरालाई गाली गरेको भन्दै उनीहरुले ६९ वर्षीय कलवारलाई कुटपिट गरेको प्रहरीले जनाएको छ । कुटपिटबाट मृत्यु भएका कलवारको शव परीक्षणका लागि भैरहवाको भीम अस्पतालमा राखिएको छ ।