झापामा राहदानीबाट झन्डै नौ करोड राजस्व सङ्कलन

इनेप्लिज २०७१ फागुन ३ गते ११:२४ मा प्रकाशित

Jhapa_nepal-mapभद्रपुर, ३ फागुन । जिल्ला प्रशासन कार्यालय झापाले चालु आर्थिक वर्षको साउनदेखि माघ मसान्तसम्म राहदानीबाट रु. आठ करोड ९० लाख ७५ हजार राजस्व सङ्कलन गरेको छ ।

सो अवधिमा १७ हजार २९७ थान राहदानी वितरण भएको लेखापाल मणिकुमार दाहालले जानकारी दिनुभयो ।

कार्यालयबाट प्राप्त जानकारीअनुसार चालु आर्थिक वर्षकै माघ महिनामा दुई हजार ९४९ राहदानीवटा राहदानी वितरणबाट रु. एक करोड १० लाख ४० हजार राजस्व सङ्कलन भएको थियो ।

सरदर दिनको ९५ वटा राहदानी वितरण गर्दैआएको यो कार्यालयले साउनदेखि माघसम्ममा आठ हजार २५६ नेपाली नागरिकताको प्रमाणपत्र पनि वितरण गरेको छ ।

इलाका प्रशासन कार्यालय दमकबाट मात्रै दुई हजार ७७ वटा नागरिकता प्रमाणपत्र वितरण भएको नागरिकता फाँटका देवी घिमिरेले जानकारी दिनुभयो ।

प्रतिक्रिया