बिहीबार, कार्तिक ६ २०७७
काठमाडौं २०:४८
वासिङटन डिसी 11:03

ग्यास नपाएपछि विद्यार्थीको बिजोग

इनेप्लिज २०७१ फागुन ३ गते ११:१३ मा प्रकाशित

saबेनी (म्याग्दी), ३ फागुन । म्याग्दीको सदरमुकाम बेनी बजारमा कोठा भाडामा लिएर बसेका विद्यार्थीहरु खाना पकाउने ग्यास नपाएपछि १३ दिनदेखि चाउचाउ र भुजा खाएर पढ्न बाध्य भएका छन् ।

म्याग्दीको सदरमुकाम बेनी बजारमा अवस्थित प्रकाश उच्चमाविमा कक्षा ११ मा अध्ययनरत पुलाचौरकी निशा केसी, विमला अधिकारी र कुहूकी आशा खत्री खाना पकाउने ग्यास सिद्धिएपछि विगत १३ दिनदेखि भुजा र चाउचाउ खाएर बस्न बाध्य भएका हुन् ।

बेनीको मङ्गलाघाटमा टङ्कबहादुर कार्कीको घरमा डेरा गरी बस्ने उनीहरुले यही माघ १८ गतेदेखि ग्यास सकिएर बजारमा साट्न जाँदा नपाएपछि कहिले काँचो चाउचाउ र कहिले भुजा खाएर बस्नुपरेको बताएका छन् ।

“हामी धेरै ठाउँमा गयौँ, समस्या बतायौँ तर कसैले पनि साटिदिएनन्”, विमला अधिकारीले भन्नुभयो, “घरबाट आउन जान सकिँदैन, दाउराबाट पकाएर खाने ठाउँ छैन, साह्रै समस्यामा परेका छौँ ।”

निशा, विमला र आशामात्रै होइन, बजारमा डेरा गरेर बस्ने विद्यार्थी, मजदुर र गाउँबाट छोराछोरीलाई पढाउन कोठा लिएर बसेकाहरु लामो समयदेखि ग्यास अभाव हुँदा समस्यामा परेका छन् । आगो बालेर पकाउन मिल्ने ठाउँ भएकाहरुले दाउराबाट भए पनि पकाएर खाएका छन् तर त्यस्तो ठाउँ नभएकाहरु भने दालमोठ, चिउरा, भुजा र चाउचाउको भरमा गुजारा चलाइरहेका मङ्गलाघाटका व्यापारी चन्द्रबहादुर कार्कीले बताउनुभयो ।

प्रतिक्रिया