मंगलबार, कार्तिक ४ २०७७
काठमाडौं १५:२०
वासिङटन डिसी 05:35

हिमपातका कारण जनजीवन प्रभावित

इनेप्लिज २०७१ फागुन ३ गते ७:५२ मा प्रकाशित

indexसल्लेरी (सोलुुखुम्बु), ३ फागुन । सोलुखुम्बु जिल्लामा एक्कासि मौसम परिवर्तनसँगै बढेको हिमपातका कारण सदरमुकाम सल्लेरी तथा माथिल्लो खुम्बु क्षेत्रका स्थानीयवासीको जनजीवन प्रभावित बन्दै गएको छ ।

जाडोयाम सकिने बेलामा बढेको चिसोका कारण जनजीवन प्रभावित बन्दै गएको स्थानीयवासीले बताएका छन् ।

बिहानीपख सिमसिम पानी परेपछि चिसो अझ बढेको छ भने हिमपातपछि सल्लेरी आसपासका डाडाँहरु सेताम्मे भएका छन् ।

सल्लेरी वरिपरि पातलो हिउँ परे पनि माथिल्लो खुम्बु र बेनी टाक्सिन्दु रात्नाङ्गे पत्ताले लगायतका क्षेत्रमा बाक्लो हिमपात भएको छ ।

यता पत्तालेमा आधा फिटसम्म हिउँ जमेपछि सवारी आवागमनमा समेत समस्या उत्पन्न भएको यातायात व्यवसायीहरुले जानकारी दिएका छन् ।

चिसो बढ्दै गएपछि जिल्लाभित्रका स्वास्थ्य संस्थाहरुमा रुघाखोकी, ज्वरो, टाइफाइड र निमोनियाका बिरामीको सङ्ख्या बढ्दै गएकोे छ । चिसोका कारण बालबालिका तथा वृद्धवृद्धा बढी प्रभावित भएका छन् ।

प्रतिक्रिया