मंगलबार, मंसिर १६ २०७७
काठमाडौं ११:१८
वासिङटन डिसी 00:33

मोरङमा दुई जनाले गरे आत्महत्या, आत्महत्या गर्नेकी श्रीमती मृत अवस्थामा फेला

इनेप्लिज २०७१ फागुन २ गते १३:५९ मा प्रकाशित

भद्रपुर, २ फागुन । मोरङमा आज बिहान फरक–फरक स्थानमा एक वृद्ध र एक महिलाले आत्महत्या गरेका छन् भने आत्महत्या गर्ने वृद्धकी श्रीमती पनि मृत अवस्थामा फेला परेकी छन् ।

सिसवनी जहदा–९ घर भएका ७० वर्षीय वृद्ध धनगौरी मण्डलले आफ्नै सालोको घरमा आज बिहान ६ः४५ बजे आत्महत्या गरेको जिल्ला प्रहरी कार्यालयले जनाएको छ ।

मोरङको नोचा–३ बस्ने आफ्नै सालो नथुनी चौधरीको घरमा बस्दै आएका उनी सुतेको कोठामा झुन्डिएर आत्महत्या गरेका छन् ।

उनीसँगै सुतेकी ६० वर्षीया श्रीमती कोइलीदेवी पनि मृत अवस्थामा भेटिएकी छन् । उनले लामो समयदेखि विभिन्न रोगको औषधि लिइरहेको प्रारम्भिक अनुसन्धानबाट खुलेको छ ।

उनको शव परीक्षणका लागि प्राथमिक स्वास्थ्य केन्द्र मङ्गलबारे पठाइएको र घटनाको सम्बन्धमा अनुसन्धान भइरहेको इलाका प्रहरी कार्यालयले जनाएको छ ।

यस्तै, आज बिहान ८ः३० बजे मधुमल्ला–५ स्थित कालीझोडा सामुदायिक वनमा एक महिलाको शव झुन्डिएको अवस्थामा फेलापरेको छ ।

पहिचान खुल्न नसकेको अन्दाजी ३०–३५ वर्षकी ती महिलाले रुखमा पासो लगाई झुन्डिएको प्रहरीले जनाएको छ । रासस

प्रतिक्रिया