पोलेथिन झोला प्रतिबन्धित भएको जानकारी हुँदाहुँदै अटेर गरेर बिक्री वितरण गर्ने व्यापारी मनोज मल्लिक, शेरबहादुर शिवा, विवि शाही, केशव कटुवाल र शैलेस बस्नेतलाई जनही रु दुई सयका दरले जरिवाना गरिएको हो ।

इलाम नगरपालिकाको नगर प्रहरी टोलीले पोलेथिन झोला बिक्री गर्दै गरेको अवस्थामा पक्राउ गरी तत्काल जरिवाना गरिएको इलाम नगरपालिकाका प्रशासकीय अधिकृत रामकुमार शाहले जानकारी दिनुभयो ।

इलाम नगरपालिका करिब पाँच वर्षअघि प्लास्टिक निषेधित क्षेत्र घोषित भएको थियो ।