दुई नाल कटुवा पेस्तोल बरामद

इनेप्लिज २०७१ फागुन १ गते १२:१४ मा प्रकाशित

pestol11लम्की, १ फागुन । कैलाली सशस्त्र प्रहरी उग्रतारा गण टीकापुरले दुई नाल कटुवा पेस्तोल बरामद गरेको छ ।

गणका गणपति लक्ष्मणबहादुर सिंहको कमान्डमा सादा पोसाकमा रहेको टोलीले कैलालीको भजनी–४ बदलापुरघाटबाट गएराति चेकजाँच गर्ने क्रममा पेस्तोल फेला पारेको हो । दुईजनाको समूहमा रहेका शङ्कास्पद व्यक्तिलाई टोलीले घाटनजिक चेकजाँच गर्दा प्रहरीमाथि आक्रमण गरी उनीहरु भागेको र उनीहरुले छाडेको झोलाबाट पेस्तोल फेला परेको गणपति सिंहले जानकारी दिनुभयो ।

आक्रमणकारीको चक्कु प्रहारबाट सशस्त्र प्रहरी जवान दीपेन्द्र चन्दको बायाँ हातमा चोट लागेको छ । आक्रमणकारी दुईजना रहेको र उनीहरुको हुलिया पहिचान भइसकेको सशस्त्र प्रहरीले जनाएको छ । उनीहरुको खोजी भइरहेको प्रहरीले जनाएको छ ।

प्रतिक्रिया