सन् २०१० मा कञ्चनपुरमा एक हजारमा एक जनाभन्दा कम कुष्ठरोगका बिरामी फेला परेपछि निवारणको घोषणा गरिएको थियो ।

निवारण घोषणापछि ती बिरामी देखा परेका हुन् । सर्ने २५ र नसर्ने १७ गरी ४२ जनामा कुष्ठरोगी देखिएको जनस्वास्थ्य कार्यालय कञ्चनपुरका कुष्ठ क्षयरोग अधिकृत उद्धव ठगुन्नाले बताउनुभयो ।

सबैभन्दा बढी भीमदत्तनगरपालिका १७ जनामा कुष्ठरोग देखा परेको छ उहाँले भन्नुभयो, “रोग देखिएका सबै जनाको उपचार भइरहेको छ ।”

कुष्ठरोगलाई विगतमा लोकलाजका कारण लुकाउदा बल्झिदै गएको थियो, अधिकृत ठगुन्नाले भन्नुभयो, “बिरामीले समस्या खुलस्त राख्दै जान थालेकाले बिरामी बढेका हुन् ।”

जिल्लाका शङ्करपुर, चाँदनी, रौतेली बिचवा र वाइसे बिचवाबाहेक अन्य गाविस र नगरपालिकामा कुष्ठरोगका बिरामी फेला परेका हुन् ।