चन्द्रनिगाहपुरमा आजदेखि सुरु भएको सो पार्टीको विस्तारित बैठकले देशको वर्तमान राजनीति मुठभेडको अवस्थाबाट गुज्रिरहेको जनाउँदै सङ्घर्षको कार्यक्रममा सक्रिय हुने निर्णय गरेको हो । बैठकपछि आयोजित पत्रकार सम्मेलनमा पार्टी अध्यक्ष अनिलकुमार झाले नेपाली काँग्रेस र नेकपा (एमाले)ले वार्ताको प्रयास नगरी एकलौटी ढङ्गले संविधान निर्माण प्रक्रिया सुरु गरेको जनाउँदै आफूहरु बाध्य भएर आन्दोलनमा जानुपरेको बताउनुभयो ।

उहाँले भन्नुभयो–“मधेसी जनताले खोजेको स्वायत्त मधेस प्रदेशको चाहनालाई आगामी संविधानबाट सम्बोधन गरिनुपर्छ । ” विस्तार बैठक बुधबारसम्म जारी रहने छ । बैठकमा विगतको समीक्षा, भावी कार्यदिशा, आन्दोलन र सङ्घर्ष तथा संविधान निर्माणलगायत समसामयिक विषयमा छलफल हुने बताइएको छ ।