विवादित विषयको छिनोफानो जनताबाट हुनुपर्छः उपाध्यक्ष राणा

नेपालगन्ज, ९ माघ । राष्ट्रिय प्रजातन्त्र पार्टी नेपालका केन्द्रीय उपाध्यक्ष धवलशम्शेर राणाले संविधान लेखनमा विमतिमा रहेको विषयमा जनमतसङ्ग्रह गर्नुपर्ने बताउनुभएको छ ।

सो दलद्वारा आज यहाँ आयोजित जनसभामा उहाँले भन्नुभयो–“सङ्घीयता, धर्मनिरपेक्षतालगायत विवादित विषयको छिनोफानो जनतालाई गर्न दिनुपर्छ ।”

हेटौँडा– राप्रपा नेपालका केन्द्रीय सदस्यद्वय दीपकबहादुर सिंह र मधु अधिकारीले मुलुकको राष्ट्रियता एवम् नेपाली नेपालीबीच सद्भाव खलबलाउने जातीय पहिचानसहितको सङ्घीयतालाई प्रमुख दलले आफ्नो दलगत स्वार्थका लागि प्रयोग गरेको हुँदा यही माघ ८ गते नयाँ संविधान नआएको बताउनुभयो ।

राप्रपा नेपाल मकवानपुरद्वारा आज यहाँ आयोजित विरोध कार्यक्रमलाई सम्बोधन गर्दै उहा“हरुले प्रमुख दलहरुले सत्ताकेन्द्रित राजनीतिलाई मात्र प्रश्रय दिएकाले तोकिएको समयमा  संविधानसभाबाट नेपाली जनतालाई संविधान दिन नसकेको बताउनुभयो ।  एकीकृत नेकपा ९माओवादी०लाई सैन्य चिन्तन र दम्भ त्याग्न पनि उहाँहरुले आग्रह गर्नुभयो ।

सो अवसरमा राप्रपा नेपाल मकवानपुरका अध्यक्ष नवराज विष्ट, वरिष्ठ उपाध्यक्ष रामहरि न्यौपाने, राष्ट्रिय प्रजातान्त्रिक विद्यार्थी सङ्गठनका अध्यक्ष विजयसिंह ठकुरी र राप्रपा नेपाल हेटौंडा नगर अध्यक्ष गुरुप्रसाद सपकोटाले प्रमुख दललाई जनताप्रति जिम्मेवार हुन र आपसी मनमुटाव त्यागेर सहमतिका आाधारबाट अघि बढ्न आग्रह गर्नुभयो ।

सो पार्टीद्वारा प्रमुख दलले संविधानसभाबाट नेपालीलाई नयाँ संविधान ल्याउन नसकेको विरोधमा आज यहाँ बृहत् पदयात्रा आयोजना गरिएको थियो ।