काठमाडौं, ७ माघ । उपराष्ट्रपति परमानन्द झाले तामाङहरूको महान पर्व सोनाम ल्होसारको अवसरमा सम्पूर्ण तामाङ दाजुभाई तथा दिदीबहिनीहरूमा शुभकामना व्यक्त गर्नुभएको छ ।

सोनाम ल्होसारको अवसरमा आज एक शुभकामना सन्देश दिँदै उहाँले शान्ति, समृद्धि र लोकतान्त्रिक संविधान आजको राष्ट्रिय आवश्यकता भएको र यसै सन्दर्भमा यस पुनीत पर्वले सबै नेपालीलाई एकताबद्ध गर्दै आपसी सहमति र सहकार्यको बाटोमा अघि बढ्न प्रेरित गरोस् भनी कामना गर्नुभएको छ ।

उपराष्ट्रपति झाले सन्देशमा भन्नुभएको छ, “यस अवसरमा देश विदेशमा बस्नुहुने सम्पूर्ण नेपाली दिदीबहिनी तथा दाजुभाईमा सुख, सुस्वास्थ्य, समृद्धि तथा उत्तरोत्तर प्रगतिको कामना गर्दछु ।”