शनिबार, मंसिर १३ २०७७
काठमाडौं २३:०९
वासिङटन डिसी 12:24

बन्दकर्ता र युवासङ्घबीच झडप

इनेप्लिज २०७१ माघ ६ गते ८:५९ मा प्रकाशित

Pdfcf]jfbL nufot ## blno df]rf{4f/f cfof]hLt cfdx8tfn ;kmnkfg{ dfOlt3/ d08nfdf ¥ofnLdf ;xefuL aGbstf{x? gf/f nufpb} . tl:a/ M k|bLk/fh jGt /f;;फलेवास (पर्वत), ६ माघ । बन्द आयोजक र बन्द खुलाउनका लागि प्रदर्शनमा उत्रिएका स्थानीयवासीबीच झडप हुँदा एमाओवादी नेतृत्वको आन्दोलनका संयोजक कृष्ण पराजुली गम्भीर घाइते भएका छन् ।

एमाओवादीका जिल्ला अध्यक्ष पराजुलीको स्थानीय मेडिकल हलमा उपचार भइरहेको छ । नेकपा एमाले निकट युवा सङ्घको नेतृत्वमा निस्किएको बजारवासीको प्रतिकार जुलुस र आन्दोलनकारीबीच शिवालय चोकमा आधा घन्टा झडप भएको थियो । झडपपछि सदरमुकाम कुस्मा बजार तनावग्रस्त भएको थियो ।

बन्दको विरोधमा उत्रिएका युवाको मोटरसाइकल र्‍याली शिवालयचोकमा पुगेपछि झडप भएको थियो । बन्द आयोजक र विरोधमा उत्रिएकामध्ये अन्य करिब ६ जना सामान्य घाइते भएको बताइएको छ । बन्द आयोजक र विरोधमा उत्रिएका युवाले ढुङ्गा हानाहानसमेत गरेका थिए ।

बन्दकर्ता भागे
युवाहरु मोटरसाइकल र्‍यालीसहित उत्रिएपछि बन्दकर्ता भागेका छन् । प्रतिकारमा उत्रिएका युवाले बजारसमेत खुलाएका छन् । बन्दको विरोधमा उत्रिएका युवाको अगुवाइ सङ्घले गरेको थियो । सङ्घका कार्यकर्ता, तरुण दल, नेविसङ्घ र व्यापारीसमेत प्रतिकारमा उत्रिएका थिए । कुस्माबजारमा झडप भएपछि सुरक्षा व्यवस्था कडा पारिएको छ । चोक चोकमा बाक्लो रुपमा सुरक्षाकर्मी परिचालन गरिएको छ ।

बन्दको समयमा हिमालपारिको जिल्ला मुस्ताङमा भने बन्दको कुनै प्रभाव परेको छैन । यातयात, शिक्षणसंस्था र बजार खुलेका छन् ।

प्रतिक्रिया