भक्तपुर, ५ माघ । उच्च माध्यामिक शिक्षा परिषद्ले आज कक्षा ११ को परीक्षाफल सार्वजनिक गरेको छ ।

परीक्षामा नियमिततर्फ दुई लाख २५ हजार ३७३ परीक्षार्थी सहभागी भएकामा एक लाख छ हजार ५१७ जना अर्थात ४७.२६ प्रतिशत परीक्षार्थी उत्तीर्ण भएको परीक्षा नियन्त्रक दुर्गाप्रसाद अर्यालले जानकारी दिनुभयो ।

परीक्षामा सातजनाको परीक्षाफल स्थगित गरिएको र ४३ जनाको परीक्षा रद्द गरिएको उहाँले जानकारी दिनुभयो ।

त्यसैगरी आंशिकतर्फ एक लाख ४१ हजार ५७० जना परीक्षार्थी सहभागी भएकामा ४६ हजार ९३३ जना अर्थात ३३.१५ प्रतिशत परीक्षार्थी उत्तीर्ण भएको अर्यालले जानकारी दिनुभयो ।

परीक्षार्थीमध्ये २९ जनाको परीक्षाफल स्थगित गरिएको र ४४ जनाको परीक्षा रद्द गरिएको उहाँले जानकारी दिनुभयो । गत जेठ १ गतेदेखि १२ गतेसम्म सञ्चालन भएको परीक्षाको नजिता आज सार्वजनिक गरेको हो ।