सहमतिकै आधारमा संविधान जारी गर्न पहल गर्दैछुः प्रम

काठमाडौँ, ५ माघ । प्रधानमन्त्री सुशील कोइरालाले यहाँस्थित संयुक्त राज्य अमेरिकाका राजदूत पिटर डब्ल्यु बोडीसँग आज भएको भेटवार्तामा सहमतिकै आधारमा संविधान जारी गर्नका लागि आफूले सक्दो पहल गरिरहेको बताउनुभएको छ ।
प्रधानमन्त्री निवास बालुवाटारमा भएको सो भेटमा प्रधानमन्त्री कोइराला र राजदूत बोडीबीच दुई मुलुकबीचको सम्बन्ध, आपसी सहयोग र संविधान निर्माणका बारेमा कुराकानी भएको प्रधानमन्त्रीका प्रेस संयोजक प्रकाश अधिकारीले राससलाई जानकारी दिनुभयो ।

भेटमा राजदूत बोडीले प्रधानमन्त्री कोइरालाको नेतृत्वमा नै नेपालले नयाँ संविधान पाओस् र मुलुक समृद्धितिर अघि बढोस् भन्ने शुभेच्छा व्यक्त गर्नुभएको थियो ।