इजरायलले आइतबार राति पहिलो पटक आफ्नो नयाँ हवाई प्रतिरक्षा प्रणाली ‘बाराक मागेन’ सक्रिय गरेको घोषणा गरेको छ। यस प्रणालीले इरानबाट आएका धेरै मानव रहित यान (ड्रोन)हरूलाई सफलतापूर्वक रोकेर नष्ट गरेको जनाएको छ ।

इजरायल रक्षा बलले एक विज्ञप्ति जारी गर्दै इजरायली नौसेनाले आफ्नो ‘सा’अर ६’ क्षेप्यास्त्र जहाजबाट प्रक्षेपण गरिएको ‘बाराक मागेन’ र यसको लामो दूरीको हवाई प्रतिरक्षा क्षेप्यास्त्र अवरोधक प्रणालीको प्रयोग गरी आठवटा इरानी मानव रहित यान (ड्रोन)हरूलाई रोकेको जनाएको छ।

अमेरिकी यहूदी राष्ट्रिय सुरक्षा संस्थानका वरिष्ठ सदस्य तथा सन् २०२४ मा इरानका दुई ठूला क्षेप्यास्त्र आक्रमणहरू विरुद्ध इजरायलको रक्षाबारे यसै महिना प्रकाशित एक प्रतिवेदनका सह-लेखक जोन हन्नाले सोमबार फक्स न्युजलाई बताएअनुसार, यो हवाई प्रतिरक्षा प्रणालीले इजरायली नौसेनाको हवाई र क्षेप्यास्त्र प्रतिरक्षा संरचनालाई “उल्लेख्य रूपमा बढाउँछ”।

हन्नाले भने, “‘बाराक मागेन’ इजरायलको उच्च परिष्कृत र बढ्दो विविध बहु-स्तरीय क्षेप्यास्त्र प्रतिरक्षा संरचनाको विस्तार भइरहेको संग्रहमा अर्को एउटा तीर मात्र हो – जुन पहिले नै विश्वका कुनै पनि देशले प्रयोग गरेको सबैभन्दा उन्नत र अनुभवी हवाई प्रतिरक्षा प्रणाली हो।”

आइडिएफका अनुसार यो प्रणालीले मानव रहित यान ,समुन्द्री क्षेप्यास्त्र (क्रुज मिसाइल) र किनारबाट समुद्रमा प्रक्षेपण गरिएका क्षेप्यास्त्रहरू लगायत “विभिन्न प्रकारका खतराहरू” लाई रोक्न सक्छ।

उनले अगाडी भने यो प्रणालीले इजरायली जहाजको लागि बल सुरक्षा मात्र प्रदान गर्दैन, तर पूर्वी भूमध्यसागरमा इजरायलको विस्तार भइरहेको तेल र ग्यास पूर्वाधारको लागि लामो दूरीको सुरक्षा पनि प्रदान गर्दछ। साथै, इजरायलको तटीय क्षेत्रमा रहेका महत्वपूर्ण पूर्वाधार र जनसंख्या केन्द्रहरूलाई पनि यसले सुरक्षा दिन्छ।

“यसले इजरायललाई पूर्वी भूमध्यसागर र लाल सागर दुवैमा इजरायली भूमिबाट महत्वपूर्ण दूरीमा अवरोध गर्न अनुमति दिन्छ ” उनले भने।

यसैबीच, इजरायल र इरानबीच सोमबार चौथो दिन पनि क्षेप्यास्त्र आक्रमण आदानप्रदान जारी रहेको छ भने इरानले पनि आक्रमण सुरु गर्दा कम्तिमा आठ जनाको मृत्यु भएको छ र दर्जनौं घाइते भएका छन्।

“यसैबीच, इजरायली सेनाले तेहरानको आकाशमा पूर्ण नियन्त्रण कायम गरेको दाबी गर्दै इरानी राजधानीको मुख्य क्षेत्रमा बस्ने करिब ३ लाख ३० हजार मानिसहरूलाई नयाँ आक्रमणको सम्भावना रहेको भन्दै तुरुन्तै ठाउँ खाली गर्न चेतावनी दिएको छ।”