राष्ट्रपति डोनाल्ड ट्रम्पको जन्मसिद्ध नागरिकता नीतिको कार्यान्वयन रोक्ने देशव्यापी आदेशहरू हटाउने विषयमा अमेरिकी सर्वोच्च अदालत बिहीबार छलफलमा खुला देखिएको छ। 

सिएनएनका अनुसार दुई घण्टाभन्दा बढीको सुनुवाइपछि अदालतमा राय विभाजित देखिए पनि केही न्यायाधीशहरूले सरकारलाई अमेरिकी भूमिमा जन्मिएका व्यक्तिहरूको नागरिकता अस्वीकार गर्न दिने निर्णयका व्यवहारिक असरहरूबारे गम्भीर चिन्ता व्यक्त गरे।

यस मुद्दामा ट्रम्पको पक्षबाट राखिएको एउटा मुख्य तर्कले केही कट्टरपन्थी न्यायाधीशहरूको समर्थन पाएको देखिएको छ। 

तल्लो अदालतहरूले राष्ट्रपति ट्रम्पका नीतिहरूलाई अत्यधिक रूपमा र पर्याप्त कानुनी परीक्षणबिना नै रोक्दै आएका छन्। 

यस्ता चिन्ताहरू अघिल्ला मुद्दाहरूमा केही उदारवादी न्यायाधीशहरूले पनि उठाएका थिए।

कतिपय न्यायाधीशहरूले ट्रम्पको आदेशविरुद्ध मुद्दा हाल्ने समूहहरूलाई अन्य कानुनी बाटाहरू प्रयोग गर्न सक्ने संकेत पनि गरे। अर्कोतर्फ, अदालतले ट्रम्पको आदेशको संविधानिक वैधता चाँडै समीक्षा गर्न सक्ने सुझाव समेत दिएका थिए। 

हालसम्म तल्लो अदालतहरूले ट्रम्पको नागरिकता सम्बन्धी आदेशलाई संविधानविरोधी ठहर गर्दै अस्वीकार गरेका छन्।

सर्वोच्च अदालतको अन्तिम निर्णयले अमेरिकामा जन्मेका व्यक्तिहरूको नागरिकता अधिकारमा दीर्घकालीन प्रभाव पार्न सक्नेछ।