जर्मन चान्सलर ओलाफ स्कोल्जले अढाई वर्षमा वर्षमा पहिलो पटक युक्रेनको भ्रमणमा पुगेका छन् ।

चान्सलर स्कोल्जले रुसी राष्ट्रपति भ्लादिमिर पुटिनसँग दूरवार्ता (फोन कल) गरेकोमा युक्रेनी राष्ट्रपति भोलोदिमिर जेलेन्स्कीले आलोचना गरेको केही हप्तापछि सोमबार २ वर्ष भन्दा बढीमा पहिलो पटक युक्रेनको भ्रमण गरेका हुन् ।

निर्वाचित राष्ट्रपति डोनाल्ड ट्रम्पको नयाँ प्रशासनले युक्रेनका लागि के अर्थ राख्छ भन्ने व्यापक अनुमानको समयमा यो भेटघाट आएको हो किनभने आगामी राष्ट्रपतिले द्वन्द्व अन्त्य गर्ने वाचा गरेका छन्।

स्कोल्जको भ्रमण फेब्रुअरीमा हुने जर्मन चुनाव अघि आएको हो। स्कोल्जले युक्रेनको दोस्रो-ठूलो हतियार आपूर्तिकर्ताको रूपमा जर्मनीको स्थितिलाई औंल्याए र युद्धलाई बढ्नबाट रोक्नको लागि काम गर्ने र लामो दूरीको पोतबिहार क्षेप्यास्त्र (क्रूज मिसाइल)हरू प्रदान गर्न अस्वीकार गर्ने आफ्नो “विवेक” लाई प्रकाश पारे ।

एबिसीन्यूजका अनुसार स्कोल्ज युक्रेनको लागि नेटो सदस्यताको कुराको बारेमा सतर्क छन्। हालैका महिनाहरूमा उनले शान्तिको लागि बाटो खोज्ने महत्त्वलाई जोड दिएका छन्। “म यहाँ स्पष्ट गर्न चाहन्छु कि जर्मनी युरोपमा युक्रेनको सबैभन्दा बलियो समर्थक रहनेछ,” स्कोल्जले भने।

केही पश्चिमी राष्ट्रहरूले नोभेम्बरमा कीभलाई आफ्ना हतियारहरूका साथ लामो दूरीको आक्रमणहरू गर्न अनुमति दिएका छन् । उक्त निर्णयपछि पुटिनले रुसले ओरेश्निक भनिने मध्यवर्ती दूरीको प्राक्षेपिक क्षेप्यास्त्र (ब्यालेस्टिक मिसाइल) प्रयोग गरेर युक्रेनमा आक्रमण गरेको बताए । रुसले यस्तो क्षेप्यास्त्र कुनै युद्ध वा अन्य कुनै द्वन्द्वमा प्रयोग गरेको यो पहिलो पटक हो।