न्यूयोर्कका पूर्व गभर्नर डेभिड प्याटरसन र सौतेनी छोरामाथि सडकमा आक्रमण गर्ने १२ र १३ बर्षका किशोरहरुलाई पक्राउ गरिएको छ ।

प्रहरी अधिकारीहरूका अनुसार १२ र १३ वर्षका दुई किशोरहरूलाई गत हप्ता न्यूयोर्कका पूर्व गभर्नर डेभिड प्याटरसन र उनका २० वर्षीय सौतेनी छोरालाई म्यानह्याटनमा भएको सडक आक्रमणमा पक्राउ गरी अभियोग लगाइएको छ ।

नाम सार्वजनिक नगरिएका दुई किशोरहरुलाई राति ८ बजेतिर पक्राउ गरिएको हो । शनिबार आफ्ना आमाबुवासँग उनीहरु प्रहरी परिसरमा पुगेको न्यूयोर्क प्रहरी विभागले बताएको छ ।

आक्रमणमा सुरुमा तेश्रो किशोरको पनि खोजी गरिएको थियो तर अधिकारीहरूले आफू संलग्न नभएको ठहर गरेपछि उनलाई आरोप लगाएनन ।

१२ वर्षीय संदिग्धलाई दोस्रो श्रेणीको गिरोह आक्रमणको आरोपमा पक्राउ गरिएको थियो भने १३ वर्षीयलाई तेस्रो श्रेणीको गिरोह आक्रमणको आरोप लगाइएको न्यूयोर्कप्रहरी विभागले जनाएको छ ।

आक्रमण राती ८:३५ मा भएको थियो। द्वन्द्व संदिग्धहरू र ७० वर्षीय पूर्व गभर्नर र उनको सौतेनी छोरा बीच भनाभन भएको थियो । प्रहरीले सुरुमा आक्रमणमा पाँचजना संदिग्धको संलग्नता रहेको बताएको थियो । संदिग्धहरूले पीडितको अनुहार र शरीरमा प्रहार गरेको प्रहरीले जनाएको छ।

प्याटरसन र उनका सौतेनी छोराले आक्रमणकारीहरूसँग लड्न सफल भएको प्रवक्ताले भने । त्यस पछि संदिग्धहरू पैदलै भागेका थिए । आक्रमणको अनुसन्धान जारी रहेको र थप पक्राउ पर्न सक्ने प्रहरीले जनाएको छ ।

प्याटरसन र उनका सौतेनी छोरा दुवैलाई स्थिर अवस्थामा अस्पताल लगिएको थियो र पछि उनीहरूलाई रिहा गरिएको छ।

डेमोक्र्याटका पूर्व गभर्नर प्याटरसनले सन् २००८ देखि २०१० सम्म न्यूयोर्कको गभर्नरको रूपमा सेवा गरेका थिए। उनि न्यूयोर्कका प्रथम अफ्रिकी अमेरिकी गभर्नर थिए ।