गाजामा इजरायल रक्षा बल (आईडीएफ) का सैनिकहरूद्वारा शुक्रबार मारिएका तीन इजरायली बन्धकहरू माथि वस्त्र नलगाएका र सेतो झण्डा फहराउँदै गर्दा तातो गोली खाएर आफ्नो ज्यान गुमाएका छन् ।

एक इजरायल रक्षा बल (आईडिएफ)का अधिकारीले शनिबार उक्त हत्यालाई “दु:खद, दुखद घटना” र उल्लङ्घन भएको बताए।

ती ३ जना मानिस “हाम्रा सिपाहीहरूको स्थानबाट दशौं मिटर टाढाको भवनबाट बाहिर आए,” अधिकारीले भने। कम्तिमा एक सिपाहीले “धम्की महसुस गरे र गोली चलाए । दुई जना तुरुन्तै मारिए। एकजना घाइते भएर भित्र पसे । सिपाहीहरूले हिब्रूमा मद्दतको लागि कराएको सुने । तेस्रो बन्धकको पछि मृत्यु भयो,अधिकारीले भने ।

एक जना भन्दा बढी आईडिएफ सिपाहीहरूले बन्धकहरूलाई गोली हानेको अधिकारीले पत्रकार सम्मेलनमा सिएनएनलाई बताए ।

यो हाम्रो संलग्नताको नियम विरुद्ध थियो। म त्यो फेरि दोहोर्याउनेछु: यो हाम्रो संलग्नताको नियमहरू विरुद्ध थियो, “अधिकारीले भने।

अधिकारीले बन्धकहरूलाई मारेको क्षेत्रमा “तीव्र लडाई” भइरहेको र “त्यहाँ आतंककारीहरू नागरिक पोशाकमा घुमिरहेका थिए ” भने। तिनीहरूले हामीलाई पासोमा पार्न खोजिरहेका थिए । ”

गत शुक्रबार मारिने बन्धकहरूमा योतम हाइम, समेर फौद अल-तलाल्का र एलोन शिमरिज रहेको पुष्टि भएको छ । सम्भवत उनिहरू भागेका थिए या तिनीहरूका अपहरणकारीहरूले छोडेका थिए, अधिकारीले भने।

“त्यस स्थानबाट सयौं मिटर टाढा एउटा भवन थियो जसमा एसओएस चिन्हहरू थिए, र हामी अझै पनि त्यो भवन र बन्धकहरू बीचको सम्बन्ध छ कि भनेर खोजिरहेका छौं,” अधिकारीले भने।

बन्धकहरुको हत्याबारे अनुसन्धान भइरहेको अधिकारीले बताए ।