ज्वालामुखी विष्फोट हुनसक्ने चेतावनी दिदै आइसल्याण्डका बासिन्दाहरूलाई शहर खाली गराइएको छ ।

पछिल्लो समाचार अनुसार त्यहाँका बासिन्दाहरूलाई आधारभूत आवश्यकताहरू सङ्कलन गर्न छोटो समयको लागि आफ्नो घरमा पुन: प्रवेश गर्न अनुमति दिइएको छ । केवल केही दिनको समयमा विस्फोट हुन सक्ने आइसल्याण्डको मौसम कार्यालयले शुक्रबार सुचना जारी गरेको छ ।

आइसल्याण्डको खाली गरिएको क्षेत्रका स्थानीयहरूलाई गत बिहीबार र शुक्रबार पुन: प्रवेश गर्न अनुमति दिइएको थियो । साथै भूकम्पले देशका केही भागहरू हल्लिरहेको समेत एनबिसीन्यूजले समाचार लेखेको छ ।

देशको दक्षिणपश्चिमी भागमा रहेको रेक्जनेस प्रायद्वीपमा विगतका दिनहरूमा हजारौं भूकम्पले हल्लाएको छ र नोभेम्बर ११ देखि भूकम्पीय गतिविधि “स्थिर” रहेको आइसल्याण्डको मौसम विज्ञान कार्यालयले जनाएको छ।

राजधानी रेक्जाभिकबाट करिब ३५ माईल टाढा रहेको ग्रिन्डाभिक शहर डूम्सडेका घरका पर्खालहरू ।भत्किएका छन् । पृथ्वीको गहिराइबाट बाफ निस्किएको छ। भूकम्पले नोभेम्बर १० मा ग्रिन्डाभिकको लोकप्रिय पर्यटक स्थल बन्द गर्न बाध्य पारेको थियो।

शनिबार ३,४०० शहरका घरहरु खाली गरिएका छन । स्थानीय अधिकारीहरूले सम्पर्क गरेका ९० सम्पत्तिका बासिन्दाहरू र स्थानीय व्यवसाय मालिकहरूलाई शुक्रबार ग्रिन्डाभिकको “खतरनाक क्षेत्र” मा प्रवेश गर्न अनुमति दिइएको थियो ।बासिन्दाहरूका “धेरै महत्त्वपूर्ण वस्तुहरू” जस्तै घरपालुवा जनावरहरू, अत्यावश्यक औषधिहरू, राहदानीहरू र अन्य घरेलु आवश्यक चीजहरू मात्र पुन: प्राप्त गर्न आग्रह गरिएको थियो।

गत बुधबार राति ८०० वटा भूकम्प मापन गरिएको थियो, जसमध्ये अधिकांश सुन्धनुकको म्याग्मा डाइकमा ३ देखि ५ किलोमिटर (१.८६ देखि ३.१० माइल) गहिराइमा रहेको मौसम विज्ञान कार्यालयले जनाएको छ।