अमेरिकाको टेक्ससमा ६ वटा गाई मृत अवस्थामा जिब्रो काटिएको फेला परेपछि प्रहरीले अनुसन्धान सुरु गरेको छ । पूर्वी-मध्य टेक्ससको राज्य राजमार्गमा छ वटा गाईहरू मृत अवस्थामा फेला परेका छन् र तिनीहरूको जिब्रो पूर्ण रूपमा काटिएकोले काउन्टी शेरिफको कार्यालयले अनुसन्धान सुरु गरेको अधिकारीहरूले बताए।

गत बुधवार म्याडिसन काउन्टी शेरिफको कार्यालयबाट जारी गरिएको विज्ञप्ति अनुसार म्याडिसन काउन्टीका पशुपालकहरूले पहिलो पटक आफ्नो छेउमा ६ वर्षका लामो सिङ्ग भएका गाईहरु मरेको र विकृत भएको विवरण दिएका थिए ।

शेरिफको कार्यालयका अनुसार गाईको जिब्रो हटाइएको ,रगत नबगेको अवस्थामा र सीधा र सफा काटिएको गाईको मुखको वरिपरि छाला हटाउनको लागि बनाइएको जनाएको छ ।

अन्वेषकहरूले अन्य पाँचवटा गाईहरू पनि त्यस्तै क्रूर अवस्थामा फेला पारेका थिए। प्रत्येक गाई फरक चरन र बथानबाट आएका थिए । नजिकैको ब्राजोस र रोबर्टसन काउन्टीको राज्य राजमार्गको क्षेत्रमा फरक स्थानमा फेला परेको अधिकारीहरूले भने।

त्यहाँ कुनै सङ्घर्ष वा रगत बगेको कुनै संकेत थिएन, र ,कुनै पनि गाई वरपरको क्षेत्रमा पाइलाको छाप वा सवारी साधनको कुनै निशानाहरू थिएनन्,अधिकारीहरूले भने।

शेरिफको कार्यालयले यो जानकारीको लागि अन्य कानून प्रवर्तन सँस्थाहरूसँग समन्वय गरिरहेको छ भनि सिएनएनले समाचारमा उल्लेख गरेको छ ।

सबै छ वटा गाईहरुको मृत्युको कारण अज्ञात रहेकोले शेरिफ कार्यालयले जानकारी भएमा जनतालाई प्रहरीलाई सहयोग गर्न आग्रह गरेका छन् ।