युक्रेनी राष्ट्रपति भोलोडिमिर जेलेन्स्कीले शनिबार अमेरिकी सिनेटरहरूसँग भेट गरे र रुसलाई आधिकारिक रूपमा “आतंकवादी राज्य” को रूपमा मान्यता दिन आग्रह गरेका छन् । उनले उक्त कुरा आफ्नो रातीको सम्बोधनमा भने।

“मैले आज सिनेट रिपब्लिकन अल्पमत नेता मिचेल म्याकोनेलको नेतृत्वमा अमेरिकी सिनेटरहरूको प्रतिनिधिमण्डलसँग कीभमा वार्ता गरे,” उनले भने। “मलाई विश्वास छ कि यो भ्रमणले हाम्रो राज्यको लागि द्विदलीय समर्थनको शक्ति, युक्रेनी र अमेरिकी राष्ट्रहरू बीचको सम्बन्धको बललाई पुन: प्रदर्शन गर्दछ।”

जेलेन्स्कीका अनुसार बैठकमा युक्रेनलाई अमेरिकी समर्थन र रुसमाथि कडा प्रतिबन्ध लगाउने विषयमा पनि छलफल भएको थियो।

“मैले लेन्ड लीज (ऋण ठेक्का )कार्यक्रम नवीकरण गर्ने ऐतिहासिक निर्णयको लागि कृतज्ञता व्यक्त गरेको छु। मैले रुसलाई आतंकवादी राज्यको रूपमा आधिकारिक मान्यता दिन आह्वान गरेको छु,” जेलेन्स्कीले भने।

अमेरिकी राष्ट्रपति जो बाइडेनले गत मे ९ मा युक्रेन डेमोक्रेसी डिफेन्स लेन्ड-लीज ऐन अफ २०२२ (युक्रेन प्रजातन्त्र ऋण ठेक्का ऐन -२०२२ )मा हस्ताक्षर गरेका छन् । नयाँ कानून जसले युक्रेनलाई सैन्य उपकरणहरू उधारो वा भाडामा दिनका लागि केही आवश्यकताहरूलाई सहज बनाउँछ । उक्त ऐन अमेरिकी सदनमा द्विदलीय बहुमतद्वारा पारित भएको छ भयो। यो कानूनले बाइडेनलाई युक्रेनलाई रुसको बिरूद्ध आफ्नो रक्षा गर्न र अमेरिकाले युक्रेनलाई कसरी हतियारहरू छिटो पुर्‍याउन सक्छ भनेर सम्बोधन गर्न धेरै फराकिलो अधिकार दिन्छ।

युक्रेनी राष्ट्रपतिले आफ्नो रातीको सम्बोधनमा खाद्य सुरक्षालाई पनि प्रकाश पारे । “विश्वभरका धेरै भन्दा धेरै देशहरूले महसुस गरिरहेका छन् कि रूसले हाम्रो लागि ब्लाक सि (कालो सागर) रोकेर र यो युद्ध जारी राखेर दर्जनौं अन्य देशहरूलाई खाद्य बजारमा मूल्य संकट र अनिकालको जोखिममा राखेको छ,” जेलेन्स्कीले भने।

“यो हाम्रो युद्ध विरोधी गठबन्धनलाई थप निर्णायक रूपमा सँगै काम गर्नको लागि अर्को प्रोत्साहन हो,” उनले भने।