बेलारुसका विदेशमन्त्री भ्लादिमिर मेकीले सोमबार वार्ताका लागि युक्रेन र रुसका प्रतिनिधिहरूलाई स्वागत गर्दै प्रतिनिधिहरूलाई “पूर्ण रूपमा सुरक्षित” महसुस गर्नुपर्ने आश्वासन दिए।

उनले अगाडी भने “प्रिय साथीहरू, बेलारुसका राष्ट्रपतिले मलाई राष्ट्रपति जेलेन्स्की र राष्ट्रपति पुटिनसँग सहमत भए अनुसार तपाईहरुलाई स्वागत गर्न र तपाईहरुको कामको लागि सबै कुरा उपलब्ध गराउन आग्रह गर्नुभयो। तपाईहरु यहाँ पूर्ण रूपमा सुरक्षित महसुस गर्न सक्नुहुन्छ। यो हाम्रो पवित्र कर्तव्य हो, “।

“राष्ट्रपति लुकाशेन्कोले आजको वार्तामा यस संकटका सबै प्रश्नहरूको समाधान खोज्न सम्भव हुने आशा राख्नु भएको छ । सबै बेलारूसीहरू यसका लागि प्रार्थना गरिरहेका छन्। आजको बैठक आयोजना गर्ने सन्दर्भमा कुनै पनि प्रस्ताव आएमा विचार गरी पूर्ण रूपमा पूरा गरिनेछ,’ उनले थपे। “हामी नतिजाको लागि तत्पर छौं।”

रुस र युक्रेनबीच सोमबार भै रहेको वार्ताको सही स्थान सुरक्षा कारणले गोप्य राखिएको छ ।

वार्ताकारहरू बेलारुसमा छन्, तर घोषणा गरिएको एक मात्र स्थान बेलारुसको गोमेल क्षेत्रमा प्रिप्याट नदीको किनारमा छन भनि सिएनएनले समाचार लेखेको छ ।