पाकिस्तानमा बिशाल हिमपातको कारण १६ जना पर्यटकको मृत्यु भएको पाकिस्तानी सरकारले बताएका छन् । पाकिस्तानको राजधानी इस्लामावादको उत्तरपूर्वमा पर्ने मुरी शहरमा रहेको विश्रामस्थल(रिसोर्ट) मा हिउँ आँधीमा परी कम्तीमा १६ जनाको मृत्यु भएको हो ।

हिमपात ज्यादै भए पछि यातायात थप्प भए पछि पर्यटकहरू अलपत्र परेपछि “खाद्य संकट” बाट ग्रस्त थिए, आन्तरिक मन्त्री शेख रसिदले श्रब्यदृश्य (भिडियो )मार्फत शनिबार सार्वजनिक गरेको वक्तव्यमा भने।

रशीदले अगाडी भने ,सरकारले सेना र नागरिक सशस्त्र बलहरूलाई आपतकालीन उद्धार कार्यका लागि बोलाएको थियो “लगभग एक हजार” सवारी साधनहरू अझै फसेका छन्।

मुरी जाने सबै सडकहरू पर्यटकहरूको लागि बन्द हुनेछन् र अझै फसेकाहरूलाई सहायता प्रदान गर्ने मानिसहरूका लागि मात्र खुला हुनेछन्, मन्त्रीले थपे।

गत मंगलबार राति देखि हिउँ पर्न थालेको थियो भने हिउ निरन्तर जारी रह्यो, जसले हजारौं पर्यटकहरूको आगमनलाई निम्त्यायो, सिएनएनले समाचारमा उल्लेख गरेको छ।

तर पर्यटकको संख्या धेरै भएको कारण धेरै परिवार सडकमै अलपत्र परेका छन् र एक लाखभन्दा बढी सवारी साधन पहाडी क्षेत्रमा प्रवेश गरेको स्थानीय सञ्चारमाध्यमले जनाएका छन् ।

पाकिस्तानी प्रधानमन्त्री इमरान खानले घटनाको छानबिन गर्न आदेश दिएको बताए । र “अभूतपूर्व हिउँ परेको” र “मौसम अवस्था जाँच नगरी जिल्ला प्रशासन तयारी नभएको ” क्षेत्रमा यात्रा गर्ने मानिसहरूको भीड भएको बताए ।