दक्षिण अफ्रिकाको संसद भवनमा आगलागी भएको छ । दक्षिण अफ्रिकाको केप टाउन(शहर )मा रहेको संसद परिसरमा आइतबार बिहान ठूलो आगलागी हुँदा भवनमा ठूलो क्षति पुगेको छ।

दक्षिण अफ्रिकी प्रहरी सेवाका अनुसार राष्ट्रिय सभाको कक्षमा भएको आगलागीको सम्बन्धमा सोधपुछका लागि ५१ वर्षीय एक व्यक्तिलाई हिरासतमा लिइएको छ।

संसदको दुवै सदन रहेको पुरानो सभा खण्ड र राष्ट्रिय सभा खण्डमा आगलागी भएको र राष्ट्रिय सभाको कक्षमा आगो लागेको संसदबाट जारी विज्ञप्तिमा उल्लेख छ ।

अग्निनियन्त्रकहरू आगो लागेको खबर पाएको छ मिनेट भित्र संसदमा आइपुगे र पुरानो खण्ड आगो निभाउन सक्षम भए तर अझै नयाँ खण्डमा आगो निभाउन लागि रहेको अधिकारीहरूले भने। कुनै चोटपटक भने विवरण दिइएको छैन।

केप टाउनका नगर समितिका सदस्य जेपी स्मिथले एक पत्रकार सम्मेलनमा भने कि संसद परिसर “गम्भीर रूपमा क्षतिग्रस्त, जलमग्न र धुवाँले क्षतिग्रस्त छ,” युपीआईले समाचार प्रकाशित गरेको छ।

स्मिथले भने, “पुरानो सभा कक्ष को माथिको छत पूर्णतया क्षति भएको छ र यसको छेउमा रहेका कार्यालयहरू र ब्यायामशाला ध्वस्त भएका छन्,” स्मिथले भने।

“मेरो पछाडिको राष्ट्रिय सभा कक्ष, जुन तपाईले देख्न सक्नुहुन्छ, जलेको छ, संरचनात्मक छत भत्किएको छ, र दमकल कर्मचारीहरू क्षणभरमा हटाउनु फिर्ता पर्यो।” उनले थपे ।

दक्षिण अफ्रिकाका राष्ट्रपति सिरिल रामाफोसाले आइतवार आगलागी भएको घटनास्थलको भ्रमण गरे र विशेष गरी आर्कबिशप डेसमन्ड टुटुको मृत्युपछि आगलागीलाई “विनाशकारी समाचार” भने।

“यो डरलाग्दो र विनाशकारी घटना हो ,रामाफोसाले भने।