म ‘म’ नै हु कसैको चाहनामा

आफुलाई ढाल्न सक्तिन

चाहे स्वीकार, नचाहे नस्विकार

मेरो प्रकृति लाई बदल्न म सक्तिन।

कसैको दुखले मलाई चिन्तित तुल्याउछ

कसैको रोदनले मलाई नै रुलाउछ

भन्दछन् यी मेरा कमजोरीहरु हुन्

तर म त्यसलाई बदल्न सक्तिन

‘म’ ‘म’ नै हु कसैको चाहनामा आफुलाई ढाल्न सक्तिन।

कसैको झुठ्लाई म स्वीकार्न सक्तिन
कसैको सत्यतालाई म नकार्न सक्तिन

कसैको देखावटीपन लाई म मान्दै मान्दिन

कसैको व्यक्तिगत कुराहरु म जान्दै जान्दिन

म ‘म’ नै हु कसैको चाहनामा आफुलाई ढाल्न सक्तिन।

कसै माथिको अन्यायलाई देख्न म सक्तिन

कसैले मन नपराय नपराउन पछि म हट्दिन

कसैका चाप्लुसीका लागि मेरो शीर झुक्दैन

मेरो इमान्दारीता माथि कसैले खोत् लगाय म मान्दै मान्दिन

म ‘म’ नै हु कसैको चाहनामा आफुलाई ढाल्न सक्तिन।

बेमानी लाई कहिल्यै पनि इमान्दारी भन्न सक्तिन

कसैको विश्वासलाई बिश्वासघात गर्न जान्दिन

कसैलाई होच्याएको देख्न म सक्तिन

कसैलाई रुलाएको हेर्न मन मान्दैन

‘म’ म नै हु कसैको चाहना मा आफुलाई ढाल्न सक्तिन।

नजानेर पनि कसैलाई चोट पुर्याउन नपरोस्

कसैले पनि आफुमाथी चोट नपुराओस

आ आफ्नै तवरले सबैले नै जिउने हो

किन कसैले कसैको खेदो नै खन्ने हो ?

म ‘म’ नै हु कसैको चाहनामा

आफुलाई ढाल्न सक्तिन

चाहे स्वीकार, नचाहे न स्विकार

मेरो प्रकृतिलाई बदल्न म सक्तिन।

-रजनी मल्ल न्यु जर्शी, अमेरिका