अमेरिकाको ओलम्पिक टोलीले शनिबार ‘मिलानो कोर्टिना शीतकालीन ओलम्पिक’मा ११ औँ स्वर्ण पदक जितेर नयाँ विश्व कीर्तिमान कायम गरेको छ। कायला कुन, कोनर कुरान र क्रिस लिलिसको टोलीले ‘मिक्सड टिम एरियल’ अर्थात् आकासमा उडेर कला देखाउने खेलमा जीत हासिल गरेसँगै यो ऐतिहासिक सफलता मिलेको हो।

यसअघि सन् २००२ मा अमेरिकाको युटाह राज्यको साल्ट लेक सिटीमा भएको खेलमा ९ वटा स्वर्ण जितेको अभिलेख थियो, जसलाई अहिलेको टोलीले उछिनेको छ। अमेरिकी ओलम्पिक समितिकी प्रमुख सारा हर्सल्यान्डका अनुसार उनीहरूको लक्ष्य कुनै एउटा खेलमा मात्र नभई हरेक खेलमा उत्कृष्ट बन्ने रहेको छ। उनले भनिन्, “हाम्रो रणनीति सबै खेलमा राम्रो प्रदर्शन गर्ने हो।”

यो जीतसँगै अमेरिकाले प्रतियोगितामा जम्मा ३० वटा पदक बटुल्न सफल भएको छ। पदक तालिकामा नर्वे १७ वटा स्वर्ण पदकसहित पहिलो स्थानमा छ भने अमेरिका दोस्रो स्थानमा रहेको छ। यसपटक अमेरिकालाई फ्रि-स्कीइङ र स्पिड-स्केटिङ( खुला शैली र तीव्र गति )मा बढी सफलता मिलेको छ, जहाँ जोर्डन स्टोल्जले एक्लै दुईवटा स्वर्ण पदक जितेका छन्।

आगामी आइतबार अमेरिका र क्यानडाबीच हुने हक्की खेलमा पनि अमेरिकाले थप स्वर्ण पदक जित्ने सम्भावना रहेको छ। सन् २००२ को तुलनामा यस वर्ष पदक जित्ने अवसरहरू पनि धेरै रहेका छन्। खेलाडीहरूले आफ्नो क्षमता देखाएपछि अमेरिकाले शीर्ष तीन राष्ट्रभित्र पर्ने आफ्नो लक्ष्य सफलतापूर्वक पूरा गरेको छ।