अमेरिकी सेनाले सिरियामा तेस्रो पटक हवाई आक्रमण गर्दै अल-काइदासँग सम्बन्धित एक प्रमुख नेताको हत्या गरेको जनाएको छ। अमेरिकी अधिकारीहरूका अनुसार, यी नेता आइएसआइएसका बन्दुकधारीसँग प्रत्यक्ष रूपमा जोडिएका थिए ।

गत डिसेम्बरमा सिरियाको पालमिरा क्षेत्रमा भएको आक्रमणमा तीन अमेरिकी नागरिकको हत्या गरेको थियो।

यस आक्रमणमा दुई अमेरिकी सैनिक र एक नागरिक अनुवादक मारिएका थिए। यो घटनापछि अमेरिकाले बदला स्वरूप ठूलो स्तरको सैन्य कारबाही सुरु गरेको हो।

अमेरिकी सेनाको केन्द्रीय कमाण्डले यो पछिल्लो हमला उत्तर-पश्चिम सिरियामागरिएको पुष्टि गरेको छ। मारिएका व्यक्ति बिलाल हसन अल-जासिम नामक आतङ्ककारी नेता भएको बताइएको छ।

सेन्टकमका सेनापति एडमिरल ब्राड कूपरले भने,“तीन अमेरिकीको हत्यासँग जोडिएको आतंककारी मारिनु हाम्रो दृढ संकल्पको प्रमाण हो। अमेरिकामाथि हमला गर्नेहरूका लागि संसारमा कुनै पनि ठाउँ सुरक्षित छैन।”

यस घटनापछि अमेरिका र उसका साझेदारहरूले हकेयी प्रहारनामक अभियानअन्तर्गत सिरियामा १०० भन्दा बढी आइएसआइएस का अड्डा, हतियार गोदाम र संरचनामाथि हमला गरिसकेका छन्।

मृत्यु भएका दुई सैनिकहरू आयोवा राष्ट्रिय सुरक्षाका सदस्यहरु थिए ।