अमेरिकी राष्ट्रपति डोनाल्ड ट्रम्पले युरोपका ८ वटा देशहरू क्रमस डेनमार्क, नर्वे, स्वीडेन, फ्रान्स, जर्मनी, बेलायत, नेदरल्याण्ड्स र फिनल्याण्ड बाट आउने सामानमा १०% अतिरिक्त भन्सार कर लगाउने घोषणा गरेका छन्।

ट्रम्प डेनमार्कको अधिनमा रहेको ग्रिनल्याण्ड टापुलाई अमेरिकाका लागि किन्न चाहन्छन्। तर यी युरोपेली देशहरूले यसको विरोध गरेका छन्। ट्रम्पका अनुसार अमेरिकाको सुरक्षाका लागि ग्रिनल्याण्ड निकै महत्त्वपूर्ण छ र उनले त्यहाँ क्षेप्यास्त्र (मिसाइल) रोक्ने प्रणाली राख्न चाहन्छन्।

यदि जुन महिनासम्म यी देशहरूले ग्रिनल्याण्ड बेच्न सहमति जनाएनन् भने, यो कर बढाएर २५% पुर्‍याउने उनले धम्की दिएका छन्।

ग्रिनल्याण्डका स्थानीय बासिन्दाहरूले यो कदमको कडा विरोध गरेका छन्। उनीहरूले आफ्नो राष्ट्रिय झण्डा बोकेर सडकमा प्रदर्शन गर्दै ग्रिनल्याण्ड बिक्रीमा छैन भन्दै नारा लगाएका छन्।

धेरैले ट्रम्पको यो कदमलाई खतरनाक मानेका छन्। यसले लामो समयदेखि मित्र रहेका अमेरिका र युरोपेली देशहरूको सम्बन्ध (नेटो सैन्य संगठन) मा दरार ल्याउन सक्छ। यद्यपि, डेनमार्कका सैन्य अधिकारीहरूले भने अमेरिकाले आफ्नै मित्र राष्ट्रमाथि हमला नगर्ने विश्वास व्यक्त गरेका छन्।

यो विवादले गर्दा आगामी दिनमा अमेरिका र युरोपबीचको व्यापार र सुरक्षा सम्बन्धमा ठूलो असर पर्न सक्ने देखिएको छ।