राष्ट्रपति डोनाल्ड ट्रम्पले मंगलबार बिहान युद्धविरामको समय सीमापछि भएका आक्रमणहरूसँगै इजरायल र इरान दुवैले युद्धविरामका सर्तहरू उल्लंघन गरेको बताएका छन्।

एपीका अनुसार ट्रम्पले हेगमा हुने नेटो शिखर सम्मेलनका लागि प्रस्थान गर्नुअघि ह्वाइट हाउसमा पत्रकारहरूसँग कुरा गर्दै निरन्तरका आक्रमणहरूप्रति निराशा व्यक्त गरे।

“उनीहरूले यसलाई उल्लंघन गरे, तर इजरायलले पनि यसलाई उल्लंघन गर्‍यो,” ट्रम्पले भने। उनले थपे, “म इजरायलसँग खुसी छैन।”