आज अमेरिकी कानुनी जगतबाट राष्ट्रपति डोनाल्ड ट्रम्पका लागि मिश्रित सन्देशहरू आएका छन्। तीन फरक अदालत निर्णयहरूमध्ये दुईले उनको नीति विरुद्ध फैसला सुनाए भने एकले राष्ट्रिय सुरक्षामा उनको पक्षमा ठहर गर्‍यो। त्यस्तै, लामो समयदेखि हिरासतमा रहेका एक प्यालेस्टिनी समर्थक कार्यकर्तालाई रिहा गर्ने आदेश पनि आजै दिइएको छ।

आज ९ औं सर्किट (क्षेत्रीय)अपिल अदालतले ट्रम्पलाई लस एन्जलसमा खटाइएका राष्ट्रिय सुरक्षा बल (नेसनल गार्ड)हरूमाथि संवैधानिक नियन्त्रण कायम गर्न पाउने अधिकार दिएको छ। अदालतले शीर्षक १० अन्तर्गत अशान्ति र संघीय सुरक्षाको नाममा राष्ट्रपति कदम उचित रहेको ठहर गर्‍यो।

आजैका दिन दुई संघीय जिल्ला अदालतहरूले ट्रम्प प्रशासनद्वारा लागू गरिएका शुल्क स्वतन्त्रता दिवस “लिबरेशन डे टेरिफ” हरूलाई अवैध ठहर गरे।

अदालतका अनुसार आपतकालीन अधिकार प्रयोग गर्न पर्याप्त कानुनी आधार थिएन। आइइइपिएको दुरुपयोग गर्दै व्यापारमा हस्तक्षेप गरिएको निष्कर्ष सुनाइएको छ।

तीन महिनादेखि लुजियानाको आइसिइ हिरासतमा रहेका प्यालेस्टिनी कार्यकर्ता महमूद खलिललाई आज न्यायाधीशको आदेशमा रिहा गरिएको छ। उनले अमेरिकामा आफ्नो अभिव्यक्ति स्वतन्त्रताको हक प्रयोग गरेबापत “राजनीतिक रूपमा लक्षित” गरिएको अदालतले मानेको छ। न्यायाधीशले उनको हिरासतलाई “संविधान विरोधी” भन्दै तत्काल रिहा गर्न आदेश दिएका हुन्।

आजका निर्णयहरू राष्ट्रपति ट्रम्पका लागि मिश्रित जित–हारको दिन बनेका छन् । राष्ट्रिय सुरक्षामा जित, तर व्यापार नीति र मानव अधिकारको क्षेत्रमा पराजय।