भारतको पश्चिमी शहर अहमदाबादको अन्तर्राष्ट्रिय विमानस्थलमा एयर इण्डियाको एक यात्रुवाहक विमान दुर्घटनामा २४२ जना यात्रु मध्ये १६९ जना भारतीय, ५३ जना बेलायती, ७ जना पोर्चुगाली यात्री र एक १ जना क्यानाडाली नागरिक भएको सिएनएनले जनाएको छ ।

भारतको नागरिक उड्डयन महानिर्देशनालयका अनुसार, बिहीबार अहमदाबाद विमानस्थलबाट उडेको एयर इण्डियाको उडान उडानपछि केही समयमै आपतकालीन सहायता संकेत सन्देश पठाएको थियो।

स्थानीय समय अनुसार दिउँसो १:३९ बजे अर्थात् अमेरिकी पूर्वीय समय अनुसार बिहान ४:०९ बजे उडेको सो उडानले आपतकालीन सहायता संकेत (“मे-डे” कल )गरेपश्चात एयर यातायात नियन्त्रणको थप सम्पर्कमा आउन नसकेको जनाईएको छ

भारतीय नागरिक उड्डयन महानिर्देशनालयको वक्तव्य अनुसार, “उडानपछि धावनमार्ग २३ बाट छुटेर विमान विमानस्थलको घेराबन्दीभन्दा बाहिर जमिनमा खसेको थियो। दुर्घटनास्थलबाट बाक्लो कालो धुवाँ देखिएको थियो।”

दुर्घटना भएका विमानमा २४२ जना यात्रु र चालक दलका सदस्यहरू सवार थिए। एआइ १७१ संख्याको सो उडान अहमदाबादको सरदार वल्लभभाई पटेल अन्तर्राष्ट्रिय विमानस्थलबाट लन्डनको ग्याटविक विमानस्थल जानका लागि बिहान ९:५० बजे उड्ने तय भएको थियो। तर, फ्लाइटराडर२४ अनुसारविमानको सङ्केत बिहान १०:०८ बजे ६२५ फिटको उचाइमा गुमिएको थियो।

दुर्घटनापछि अहमदाबादको आकाशमा बाक्लो धुवाँ फैलिएपछि उद्धारकर्मीहरू घटनास्थलमा सक्रिय भएका छन् । सामाजिक संजालमा जताततै जलेका रुखहरू, कालो धुवाँले ढाकिएको भवन, र अग्निनियन्त्रण टोली पानीले निभाइरहेको देखिन्छ।

टाटा समूहको एयर इण्डियाको अभिभावक प्रतिष्ठानले यात्रुका परिवारलाई जानकारी दिन आपतकालीन सहायता केन्द्र सक्रिय गरिएको जनाएको छ । टाइम्स अफ इण्डियाको प्रत्यक्ष स्थलगत प्रत्यक्ष प्रसारणमा घटनास्थलमा चेतावनी दिने आवाज(सायरन) र उद्धारकर्मीहरूको भागदौड देखिएको छ।

अघिल्लो समाचार हेर्न यहाँ थिचु होला :

https://www.enepalese.com/2025/06/462238.html