हमासले ५०० दिन भन्दा ज्यादा समय पछि चार इजरायली बन्धकहरूको शव रिहा गरेको छ ।

हमासले फेब्रुअरी २० बिहीबारका दिन चार इजरायली बन्धकहरूको शव रिहा गरेको हो । हस्तान्तरण गर्दा “तिनीहरू अमेरिकी बमले मारिएका थिए” भन्दै ठूलो प्रचार सामग्री सहित हमासका कार्यकर्ताहरु मंचमा पुगेका थिए ।

चार शव बाकसहरु बिबास परिवारका तीन सदस्यहरूका थिए । हमासले हस्तान्तरण गरेको शवहरूमा गाजा भूभागमा इजरायलको सैन्य अभियान सुरु गर्ने आक्रमणमा कब्जा गरिएका दुई कान्छा बन्दीहरू केफिर र एरियल बिबासका रहेका थिए।

इजरायल र हमास बीचको हालको युद्धविराम सम्झौता अन्तर्गत फिर्ता गरिएका शवहरूको पहिचान पुष्टि गर्नु अघि अधिकारीहरूले उनीहरूको पहिचान पुष्टि गर्न चिकित्सा (न्यायिक )फोरेन्सिक गर्नु पर्ने इजरायलले जनाएको छ । प्रत्येक शव बट्टामा चार बन्धकहरूमध्ये एकको सानो तस्बिर पनि राखिएको छ ।

बन्धक बच्चाहरूको आमा, शिरी बिबासको शव पनि लिफशिट्जको शवसँगै हस्तान्तरण गरिएको छ । हस्तान्तरण दक्षिणी गाजा शहर खान युनिसमा भएको थियो । त्यहाँ ठूलो भीड जम्मा लागेको थियो ।

हमास र रेडक्रसका प्रतिनिधिहरूले कागजातमा हस्ताक्षर गरेपछि शव बट्टाहरूलाई सेतो रेडक्रसका गाडीहरूमा लगियो। युद्धविराम सम्झौताको पहिलो चरण अन्तर्गत बालबालिकाका बुबा, ३५ वर्षीय यार्डेन बिबासलाई फेब्रुअरी १ ​​मा रिहा गरिएको थियो।

बाँकी जीवित बन्दीहरूमध्ये चार जनालाई शनिबार रिहा गरिनेछ । साथै गाजा भूभागमा लगभग एक दशकदेखि राखिएका दुई जनालाई पनि रिहा गरिनेछ।