इनेप्लिज
२०८१ कार्तिक २४ गते १७:४२ मा प्रकाशित
वासिङ्टन डीसी, ९ नोभेम्बर २०२४ – हामी हृदयदेखि आभार व्यक्त गर्दछौं कि छठ पूजा वाशिंगटन डीसी अमेरिका २०२४ को आयोजना, जुन नोभेम्बर ४ देखि नोभेम्बर ८ सम्म भव्य रुपमा सम्पन्न भयो। यस आयोजनमा सयौं भक्तजन, विभिन्न स्वयंसेवक, स्थानीय संस्था र समुदायका सदस्यहरूको महत्वपूर्ण सहयोग रहेको छ।
पछिल्ला तीन वर्षदेखि हाम्रो छठ पूजा कार्यक्रम Germantown स्थित NECC (Nepali Education Cultural Centre) मन्दिरमा हुँदै आएको छ, जहाँ हाम्रो समुदाय एकसाथ भेला भएर यो पावन पर्व उल्लासका साथ मनाउँछ। यस मन्दिरको सहयोग र NECC टिमको समर्थनले गर्दा हरेक वर्ष कार्यक्रम अझ सुन्दर र रमाइलो बन्दै आएको छ। यहाँ प्रतिदिन छठ पूजामा भक्तजनहरूको उपस्थिति हरेक वर्ष बढ्दै गएको छ, जसले समुदायमा हाम्रो संस्कार र परम्पराप्रति प्रेम र अपनत्वलाई प्रतिबिम्बित गर्दछ।
विशेष धन्यवाद दिन चाहन्छौं यस कार्यक्रमका सबै स्वयंसेवकहरूलाई, जसको सहयोग बिना यो आयोजना सम्भव हुने थिएन। प्रसाद तयार गर्नु, घाट सजाउनु, पार्किङको व्यवस्था, सजावट, र सम्पूर्ण व्यवस्थापनमा स्वयंसेवकहरूको योगदान अतुलनीय छ। अन्तिम दिनमा कार्यक्रमको समापनमा सजावट, टेन्ट र लाइटहरू हटाउनु, र सफाइ कार्यमा सबै स्वयंसेवकहरूको सहयोग महत्वपूर्ण रह्यो। यस मेहनतले हामीलाई यो आस्था, संस्कृति र एकताको साथ एकत्रित हुने अवसर प्रदान गर्यो।
हामी विशेषगरी NECC (Nepali Education Cultural Centre) र विश्व हिन्दू परिषदलाई धन्यवाद दिन चाहन्छौं, जसले यो आयोजनामा विशेष सहयोग पुर्याएका छन्। साथै, मिडिया पार्टनर E-Nepalese र DCNepal.com लाई पनि धन्यवाद दिन चाहन्छौं, जसले सफल आयोजन र प्रचारमा हाम्रो साथ दिएको छ। तपाईंहरूको सहयोगले यो कार्यक्रमको सफलता र एकताको प्रतिक बनेको छ।
यस महत्वपूर्ण सहयोग र समर्पणलाई हेर्दा, हामीलाई गर्व छ कि हाम्रो प्रयासले समाजलाई एकत्रित राख्न मद्दत पुर्याएको छ। पुनः सबैप्रति हार्दिक धन्यवाद र शुभकामना व्यक्त गर्दछौं, आशा छ कि आगामी दिनहरूमा पनि हामी यसैगरी एकता र परम्परालाई सँगै जोगाइरहनेछौं।
धन्यवाद,
मोहन कुमार यादव
अध्यक्ष, ANTA
छठ पूजा समिति समन्वयक
एसोसिएशन अफ नेपाली तराईयन्स इन अमेरिका
प्रतिक्रिया