अध्यावधिक गरिएको : अमेरिकामा समुन्द्री आँधी हेलिनबाट मृत्यु हुनेको कूल संख्या १३२ पुगेको छ । व्यापक क्षति भएको र सम्पर्क बिच्छेद भएकालाई हवाईमार्गबाट सहयोग र अन्धकारमा बस्न बाध्य भएकाहरुलाई बिद्युत जोड्ने काम द्रुत रुपमा भै रहेको सिबिएसन्यूजले जनाएको छ ।

समुन्द्री आंधी हेलिनबाट कम्तिमा १३२ जनाको ज्यान गएको सिबिएसन्यूज/ एबिसीन्यूजले पुष्टि गरेका छन् । समाचारका अनुसार नर्थ क्यारोलाइनाको बनकोम्बे काउन्टीमा मात्र ४६ जनाको मृत्यु भएको छ । यो आँधीबाट सबैभन्दा बढी प्रभावित राज्यहरू मध्ये एक हो।

अझै पनि लाखौ लाख मानिसहरुका घरमा बिद्युत बिच्छेद भएको छ ।

फ्लोरिडाको बिग बेन्ड क्षेत्रमा गत बिहीबार राति आएको यो समुन्द्री आँधी खतरनाक श्रेणी ४ को रूपमा जमिनमा पुगेको थियो । बिग बेन्ड क्षेत्रमा विगत १३ महिनामा हेलिन तेस्रो समुन्द्री आँधी हो ।

अमेरिकाको फ्लोरिडा, जर्जिया, नर्थ क्यारोलाइना , साउथ क्यारोलाइना ,टेनेसी र भर्जिनियाका २० लाख भन्दा बढी बासिन्दाहरु अझै पनि बिजुलीविहीन भएका छन् ।

बाइडेनका गृह मन्त्रालयका सुरक्षा सल्लाहकार, लिज शेरवुड-रान्डलले सोमबार पत्रकारहरूलाई यस क्षेत्रमा ३,५०० संघीय प्रतिक्रियाकर्मीहरू तैनाथ गरिएको र शहरी खोज र उद्धारकर्मीहरूको संख्या आगामी दिनहरूमा १,२५० सम्म पुग्ने बताए।

यसै गरि पूर्व राष्ट्रपति डोनाल्ड ट्रम्पले गत सोमबार दिउँसो फ्लोरिडा-जर्जिया राज्यको भ्रमण गरे। नर्थ क्यारोलाइनाको आश्भिलला लगभग ६०० जना अझै बेपत्ता भएका छन्

नर्थ क्यारोलाइमा ५६ जनाको मृत्यु भएको अधिकारीहरूले सीबीएस न्यूजलाई पुष्टि गरेका छन्, जसको उमेर ४ देखि ७५ वर्षसम्म रहेको छ। बाढीले डुबेको सडकमा ठोक्किँदा एकजनाको मृत्यु भएको गभर्नर रोय कुपरले बताए ।

जर्जियामा कूल मृत्यु हुनेको संख्या २५ पुगेको छ । त्यस्तै साउथ क्यारोलाइनामा, आँधीबाट २७ जनाको मृत्यु भएको अधिकारीहरूले सिबिएसन्यूजलाई पुष्टि गरे। मृत्यु हुनेहरुमा दुई अग्नि नियन्त्रक र दुई व्यक्तिहरू जसको घरहरूमा रूखहरू ढलेर मारिएका थिए।

यसै गरि फ्लोरिडामा १३ जना व्यक्तिको मृत्यु भएको अधिकारीहरूले सिबिएसन्यूजलाई पुष्टि गरेका छन् । जसमा पिनेलास काउन्टीमा १० जनाको मृत्यु भएको छ । राज्यव्यापी रुपमा चालक दलहरूले हजारौं उद्धार अभियानहरू सञ्चालन गरेका छन्। त्यस्तै टेनेसीमा पनि ६ जनाको ज्यान गएको छ । त्यस्तै भर्जिनियामा पनि २ जनाको ज्यान गएको छ ।

राष्ट्रिय मौसम सेवाका अनुसार ग्रामीण उत्तरपश्चिमी नर्थ क्यारोलाइना क्षेत्रमा अहिलेसम्म ३०.७८ इन्च सबैभन्दा बढी वर्षा भएको छ।