राष्ट्रपति भ्लादिमिर पुटिनले युक्रेनबाट रुसमाथि आक्रमण गरेको भन्दै पश्चिमा राष्ट्रलाई आणविक चेतावनी दिएका छन् ।

पुटिनले बुधवार पश्चिमी राष्ट्रहरुलाई चेतावनी दिएका हुन् । यदि रूसलाई परम्परागत क्षेप्यास्त्रहरू प्रहार गरेमा आणविक हतियार प्रयोग गर्न सक्छ र मस्कोले परमाणु शक्तिद्वारा समर्थित कुनै पनि आक्रमणलाई संयुक्त आक्रमणको रूपमा लिने बताए ।

रूसको आधिकारिक आणविक सिद्धान्त परिवर्तन गर्ने निर्णय युक्रेनलाई रूसमा परम्परागत पश्चिमी क्षेप्यास्त्रहरू प्रहार गर्ने अनुमति दिने वा नगर्ने बारे अमेरिका र बेलायतमा भएको छलफलको बीच क्रेमलिनको यो जवाफ आएको हो ।

रुसको सुरक्षा परिषद्को बैठकको उद्घाटन गर्दै पुटिनले ती परिवर्तनहरू द्रुत रूपमा परिवर्तन भइरहेको विश्वव्यापी परिदृश्यको प्रतिक्रियामा भएको बताए ।उनले रूसका लागि नयाँ खतरा र जोखिमहरू निम्त्याएको समेत उल्लेख गरेको सिएनएनले जनाएको छ ।

“आणविक हतियारको प्रयोगमा रूसको संक्रमणका लागि सर्तहरू पनि स्पष्ट रूपमा निश्चित छन्,” पुटिनले भने। यदि मस्कोले यसको विरुद्धमा क्षेप्यास्त्र, विमान वा मानव रहित यान (ड्रोन)को ठूलो प्रक्षेपण सुरु गरेको पत्ता लगाएमा त्यस्तो कदमलाई विचार गर्नेछ।

पुटिनले रुसलाई सेनाको संख्या १ लाख ८० हजार बढाएर १५ लाख पुर्‍याउन आदेश दिए। रुसले पनि परमाणु हतियार प्रयोग गर्ने अधिकार सुरक्षित राखेको पुटिनले बताए ।