इजरायलको आर्थिक केन्द्र तेल अवीव नजिकै हेजबुल्लाहले प्रहार गरेको क्षेप्यास्त्र इजरायली सेनाले रोकेको जनाएको छ।

हेजबुल्लाहले इजरायलको गुप्तचर सेवा मोसादको मुख्यालयलाई निशाना बनाएको बताएको छ । गत हप्ता हजारौं पेजर काण्डमा भएका विस्फोटहरू सहित आफ्ना सदस्यहरूलाई लक्षित गर्ने आक्रमणहरूका लागि इजरायललाई दोष लगाइएको छ।

इजरायल र हेजबुल्लाह दुबैले एक अर्कामा प्रहार गरि रहेका छन् । इजरायलले हेजबुल्लाह समूहलाई लक्षित गरी गत सोमबार ५०० भन्दा बढी व्यक्तिको मृत्यु भएको छ ।

यो आक्रमण दुई दशक भन्दा बढी समयमा लेबनानमा सबैभन्दा घातक आक्रमण हो ।

इजरायल र हेजबुल्लाहबीच जारी लडाइँका कारण इजरायलका प्रधानमन्त्री बेन्जामिन नेतन्याहुले संयुक्त राष्ट्र संघको महासभामा बहसका लागि न्यूयोर्कको भ्रमण स्थगित गरेका छन् ।

नेतान्याहु आज उडान गर्ने र भोलि बोल्ने तय गरिएको थियो । तर उनको कार्यालयले अब बिहीबार न्यूयोर्क जाने र शनिबार फर्कने बताएको छ। उनले शुक्रबार संयुक्त राष्ट्र संघमा सम्बोधन गर्ने अपेक्षा गरिएको छ।

इजरायलको सेनाले हाइफाको दक्षिणमा लेबनानबाट प्रक्षेपण गरिएको पाँचवटा क्षेप्यास्त्रहरु पत्ता लगाएको बताएको छ।